Welcome Ikman.news
 

 

[Login]

 

 

මුල් පිටුව

පුවත්

ගොසිප්

විදෙස් පුවත්

ක්‍රීඩා

සේයාරූ

වීඩියෝ

 

වෛරස් උණ රෝගය ගැන විශේෂ දැනුවත් කිරීමක්

|Mon,11 June 2018 10.22|Special| Page Views : 52

අලුත් පුවත්
තැපෑල අද සිට වර්ජනයේ
කොදෙව්වන් ජය උදුරා ගනී
සයිටම් ආයතනයේ හිටපු ප්‍රධාන විධායක නිළධාරි රිමාන්ඩ්
විනෝද ගමන කදුලකින් නිමාවෙයි
අගමැති කටාර් යයි
උ.කොරියානු නායකයා සිංගප්පූරුවට
විදුලි බිඳ වැටීම යථා තත්ත්වයට
ශී‍්‍ර ලංකාවට තවත් රන් පදක්කමක්
 
මේ දිනවල දකුණු පළාත තුළ ව්‍යාප්ත වී ඇති වෛරස් උණ රෝගයෙන් දරුවන් ආරක්ෂා කර ගැනීම සඳහා අධ්‍යාපන අමාත්‍යාංශය සහ සෞඛ්‍ය අමාත්‍යාංශය එක්ව විශේෂ දැනුවත් කිරීමේ වැඩසටහනක් ආරම්භ කර තිබේ.

වෛරස් උණ රෝගය ඉන්ෆ්ලුවන්සා A ලෙස හඳුනාගෙන ඇති අතර සාමාන්‍ය සෙම්ප්‍රතිශ්‍යාව හා උණ මෙහි මූලික රෝග ලක්ෂණයි. මෙම තත්වය තුළ නිසි දැනුවත්භාවය සහ වෛද්‍ය ප්‍රතිකාර නොලැබීම රෝගය ව්‍යාප්ත වීමට බලපා තිබේ.

ඒ අනුව පාසල් ප්‍රජාව මෙම රෝගී තත්වයෙන් ආරක්ෂා කරගැනීම සඳහා දැනුවත් කිරීමේ වැඩසටහනක් දියත් කර ඇති අතර රෝග ලක්ෂණ හා රෝග ව්‍යාප්තිය පාලනය කිරීම සදහා පිළිපැදිය යුතු කරුණු මේ සමඟ ඔබ වෙත යොමු කර ඇත.

රෝග ලක්ෂණ :-

උණ, නාසයෙන් හොටු දියර ගැලීම, කිවිසුම් යාම, කැස්ස, උගුර ආසාදනය, හිසරදය හා හන්දිපත් වේදනාව

ව්‍යාප්තවීම වැලැක්වීම ගත යුතු පියවර :-

මෙම රෝගය වැළඳුන රෝගීන් කහින විට හා කිවිසුමි යවන විට පිටවන සෙම් බිඳිති මගින් බෝවන බැවින් කිවිසුම් යන විට දී හෝ කහින විට දී ලේන්සුවක් හෝ ටිෂූ කඩදාසියක් භාවිතා කරන්න.

භාවිත කරන ලද ටිෂූ කඩදාසි විෂබීජ පැතිර නොයන සේ ආරක්ෂිතව බැහැර කරන්න. ලේන්සු තෙත් වූ වහා ම සබන් යොදා හොඳින් සෝදන්න. කිවිසීමෙන් පසුව හා කැස්සෙන් පසුව විෂබීජ අත්වල තැවැරී පැවතිය හැකි බැවින් හොදින් සබන් යොදා දෑත් සෝදන්න.

නිතර අත ගැටෙන පෘෂ්ඨයන් (පරිගණක යතුරු පුවරු ආදී) සාමාන්‍ය විෂබීජ නාශක යොදා පිරිසිදු කරන්න.

මෙම උණ රෝග ලක්ෂණ පහළ වුවහොත් පාසල් යාමෙන් හා ජනාකීර්ණ ප්‍රදේශ වලට යාමෙන් වළකින්න.

මෙම රෝග ලක්ෂණ පහළ වූ වහාම වෛද්‍යවරයෙක් වෙත ගොස් ප්‍රතිකාර ලබා ගන්න.

පවුලේ අනෙකුත් සාමාජිකයින්ට මෙම රෝගය පැතිරීම වැළැක්වීම සඳහා රෝගීන් අන් අයගෙන් වෙන්කර තබන්න.

රෝගී වූ විට ඇඳ විවේකය, වැඩිපුර දියර වර්ග පානය කිරීම හා පෝෂ්‍යදායි ආහාර ගන්න.

විෂබීජ පැතිර යාම වැළැක්වීම සඳහා පාසලේ දී සිසුන්ට අත් සේදීමේ පහසුකම් සලසා දෙන්න.

යම් පාසලක සිසුන් අතර මෙම රෝග තත්වය තදින් පැතිර යන්නේ නම් එම ප්‍රදේශයේ සෞඛ්‍ය වෛද්‍ය නිලධාරියාට වහාම දැනුම් දෙන්න.

මේ අතර අධ්‍යාපන අමාත්‍ය අකිල විරාජ් කාරියවසම් මහතා පාසල් පරිශ්‍රය දරුවන්ට සුරක්ෂිත ස්ථානයක් බවට පත්කිරීමේ විශේෂ වැඩපිළිවෙලක් සකස් කරන ලෙස නිලධාරීන්ට උපදෙස් ලබා දී තිබේ. ඒ අනුව වැසි සමය අවසන් වීමත් සමඟ ඩෙංගු රෝගය ඇතුළු බෝවන රෝග ව්‍යාප්ත වීමේ වැඩිවීමක් පෙන්වන බැවින් ඉන් පාසල් දරුවන් ආරක්ෂා කර ගැනීම සඳහා පාසල් පරිශ්‍රය පිරිසිදු කිරීමට විශේෂ වැඩ පිළිවෙලක් සකස් කරන ලෙස ද උපදෙස් ලබා දී තිබේ.

www
  www.ikman.news  සොයා යෑම
 
   

මුල් පිටුව

පුවත්

ගොසිප්

විදෙස් පුවත්

ක්‍රීඩා

සේයාරූ

වීඩියෝ


 

    ikman.news  අමතන්න  
  Copyright 2015  බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න