Welcome Ikman.news
 

 

[Login]

 

 

මුල් පිටුව

පුවත්

ගොසිප්

විදෙස් පුවත්

ක්‍රීඩා

සේයාරූ

වීඩියෝ

 

මන්ත‍්‍රීවරුන්ගේ සහ ඇමතිවරුන්ගේ වැටුප දෙගුණයකින් වැඩි වෙයි

|Thu, 02 August 2018|Security| Page Views : 113

අලුත් පුවත්
දකුණු අප්‍රිකාව පහසු ජයක් ලබයි
රාජකීය ස්වර්ණාභරණ සොරා ගෙන බෝට්ටුවෙන් පළා යයි
ක්‍රිකට් තරගය මැද්දේ ඊයේ රෑ උණුසුම් තත්ත්වයක්
GMOA යළිත් වැඩවර්ජනයකට සැරසෙයි
ශ්‍රී ලංකා විදුලිබල පනත සංශෝධනය කිරීමට කැබිනට් අනුමැතිය
විහාරස්ථාන තොරතුරු සොයාබැලීමට නව වෙබ් අඩවියක්
PM meets Commonwealth Secretary General Patricia Scotland
ජනබල සේනා විරෝධතා ජන රැළිය අද
 
මන්ත‍්‍රීවරුන්ගේ සහ ඇමතිවරුන්ගේ වැටුප දෙගුණයකින් වැඩි කිරීමට ආණ්ඩුව තීරණය කර ඇතැයි වාර්තා වනවා.

එය මෙම මාසයේ සිට ක‍්‍රියාත්මක වනු ඇති.

මන්ත‍්‍රීවරයෙකුට දැනට හිමිවන මූලික වැටුප රුපියල් 54,285ක්. නව තීරණයට අනුව එය රුපියල් එක් ලක්ෂ 20,000 දක්වා වැඩිවීමට නියමිතයි.

නියෝජ්‍ය අමාත්‍යවරයෙකුට රුපියල් 63,500ක වැටුපක් මේ වනවිට හිමි වනවා. එය රුපියල් එක් ලක්ෂ 35,000 දක්වා වැඩි කිරීමටයි තීරණය කර ඇත්තේ.

ඇමතිවරයෙකුට සහ රාජ්‍ය ඇමතිවරයෙකුට දැනට හිමි වන වැටුප රුපියල් 65,000ක්. එය වැඩි වන්නේ රුපියල් එක් ලක්ෂ 40,000 දක්වායි.

මීට අමතරව පාර්ලිමේන්තු මන්ත‍්‍රීවරයෙකුට රුපියල් ලක්ෂයක කාර්යාල දීමනාවක් ද හිමිවනවා. එක් මන්ත‍්‍රීවරයෙකුට හිමිවන දුරකතන දීමනාව රුපියල් 50,000ක්. රුපියල් 10,000ක ප‍්‍රවාහන දීමනාවක් ද ඔවුන්ට හිමියි. අවමය රුපියල් 30,000ක් වන, දුර ප‍්‍රමාණය අනුව වෙනස් වන ඉන්ධන දීමනාවක් ද එක් මන්ත‍්‍රීවරයෙකුට හිමි වනවා.

මීට අමතරව නියෝජ්‍ය, රාජ්‍ය සහ කැබිනට් අමාත්‍යවරුන්ට ඔවුන්ගේ අමාත්‍යංශයෙන් දුරකතන පහසුකම් සඳහා ද වෙනම ගෙවීම් කරන බවයි වාර්තා වන්නේ. කොළඹ සිටින නියෝජ්‍ය, රාජ්‍ය සහ කැබිනට් අමාත්‍යවරයෙකුට අමාත්‍යංශය මගින් අවමය ඉන්ධන ලීටර් 600ක් ද ලබා දෙනවා. කොළඹින් බැහැරව සිටින අයෙකුට හිමිවන ඉන්ධන ප‍්‍රමාණය ලීටර් 700ක්.

මෙලෙස පාර්ලිමේන්තු මන්ත‍්‍රීවරුන්ගේ වැටුප් වැඩි කිරීමට තීරණය කර ඇත්තේ 2006 වසරේදී පාර්ලිමේන්තුවේදී ගත් තීරණයකට අනුවයි. එහිදී එකඟතාවකට පැමිණ ඇත්තේ අධිකරණ සේවයේ වැටුප් වැඩි වනවිට මන්ත‍්‍රීවරුන්ගේ ද වැටුප් වැඩි කළ යුතු බවටයි. ඉකුත් ජනවාරී මාසයේදී අධිකරණ සේවයේ වැටුප් වැඩි වී ඇති බවයි වාර්තා වන්නේ. ඒ අනුවයි පාර්ලිමේන්තු මන්ත‍්‍රීවරුන්ගේ ද වැටුප අගෝස්තු මාසයේ සිට වැඩි කිරීමට පක්ෂ නායක රැස්වීමකදී තීරණයකට එළඹ ඇත්තේ.

කෙසේ වෙතත් 2006 වසරේ සිට මේ දක්වා පාර්ලිමේන්තු මන්ත‍්‍රීවරුන්ගේ වැටුප් වැඩි වී නොමැති බවද වාර්තා වනවා.


www
  www.ikman.news  සොයා යෑම
 
   

මුල් පිටුව

පුවත්

ගොසිප්

විදෙස් පුවත්

ක්‍රීඩා

සේයාරූ

වීඩියෝ


 

    ikman.news  අමතන්න  
  Copyright 2015  බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න