ඊශ්‍රායලයෙන් තවදුරටත් ප්‍රහාර

ඊශ්‍රායල යුධ ගුවන් යානා සහ ටැංකි ගාසා නගරයේ කොටස්වලට පහර දීම තවදුරටත් සිදු කරනවා.

මෙම ප්‍රහාරය එල්ල වී ඇත්තේ ගාසා නගරයේ විශාලතම නාගරික ප්‍රදේශය අල්ලා ගැනීමට ඊශ්‍රායලය සැලසුම් කර තිබියදීයි.

මෙම ප්‍රහාරය එහි වෙසෙන මිලියනයකට ආසන්න පලස්තීනුවන්ට දැඩි පීඩනයක් එල්ල කර තිබෙනවා.

ගාසා නගරයේ උතුරු හා නැගෙනහිර ප්‍රදේශවල වරින් වර පිපිරීම් සිදුවී ඇති බවයි විදෙස් වාර්තා සඳහන් කළේ.

පසුගිය පැය 24 තුළ ඊශ්‍රායල ප්‍රහාරවලින් පුද්ගලයින් හැට හතර දෙනෙකු මියගොස් 300 කට ආසන්න සංඛ්‍යාවක් තුවාල ලබා ඇති බවයි හමාස් සෞඛ්‍ය අමාත්‍යාංශය ප්‍රකශ කළේ.

හමාස් සංවිධානය පරාජය කිරීම සඳහා ඊශ්‍රායලය සිය දැවැන්ත ප්‍රහාරය දියත් කළදා සිට පුද්ගලයින් 62,686 ක් මියගොස් එක් ලක්ෂ 57,951 දෙනෙකු තුවාල ලබා තිබෙනවා.