Welcome Ikman.news
 

 

[Login

 

 

මුල් පිටුව

පුවත්

ගොසිප්

විදෙස් පුවත්

ක්‍රීඩා

සේයාරූ

වීඩියෝ

 

ගැබිණි කාන්තාවකටත් කොරෝනා

|Thu, 08 October 2020 |Security| Page Views :

මිනුවන්ගොඩ ඇඟලුම් කර්මාන්ත ශාලාව ආශ්‍රිත කොවිඩ් නයින්ටීන් පොකුරේ වාර්තා වී ඇති සමස්ථ ආසාදිතයින් සංඛ්‍යාව 1034 දක්වා ඉහළ ගොස් තිබේ. ඒ, (07) එම පොකුරෙන් වාර්තා වු රෝගීන් 202ක් වනු ඇත.

එම රෝගීන් 202 අතුරින් රෝගීන් 199 දෙනෙකු අදාළ ඇඟලුම් කර්මාන්ත ශාලාවේ සේවකයින් බව රජයේ ප්‍රවෘත්ති දෙපාර්තමේන්තුව සඳහන් කර ඇත. අනෙක් කොවිඩ් නයින්ටීන් රෝගීන් තිදෙනා එම කාර්යාල මණ්ඩල සාමාජිකයින්ගේ ආශ්‍රිතයින් බව සඳහන් කර ඇත.

මේ අතර ඊයේ දිනයේ දී තවත් කොවිඩ් නයින්ටීන් රෝගීන් පස් දෙනෙකු හඳුනාගෙන තිබේ. එම රෝගීන් පස් දෙනා අතර රුසියාවේ සිට පැමිණි පුද්ගලයින් තිදෙනෙකු සහ ඉන්දියානු ජාතික නාවිකයින් දෙදෙනෙකු සිටින බව රජයේ ප්‍රවෘත්ති දෙපාර්තමේන්තුව සඳහන් කර ඇත.

ඒ අනුව මේ වන විට මෙරට සමස්ථ කොවිඩ් නයින්ටීන් රෝගීන් සංඛ්‍යාව 4459 දක්වා ඉහළ ගොස් තිබේ. ඉන් රෝගීන් 3274ක් පූර්ණ සුවය ලබා රෝහල්වලින් පිටව ගොස් ඇති අතර රෝගීන් 1172ක් රෝහල්ගතව ප්‍රථිකාර ලබන බව සෞඛ්‍ය අමාත්‍යාංශය සඳහන් කර ඇත.

මේ අතර කොළඹ, කාසල් වීදිය කාන්තා රෝහලේ සිටි ගැබිණි මවකට ද කොවිඩ් නයින්ටීන් ආසාදනය වී ඇති බවට තහවුරු වී තිබේ. ගම්පහ මීරිගම ප්‍රදේශයේ පදිංචිව සිටින 28 හැවිරිදි කාන්තාවකට මෙලෙස වෛරසය ආසාදනය වී ඇති බවට තහවුරු වූ බව කාසල්වීදිය කාන්තා රෝහලේ අධ්‍යක්ෂ වෛද්‍ය ප්‍රදීප් විජේසිංහ මහතා සඳහන් කර ඇත. අදාළ කාන්තාව මේ වන විට මුල්ලේරියාව රෝහල වෙත මාරු කර හැරීමට කටයුතු කළ බව ද රෝහල් අධ්‍යක්ෂවරයා සඳහන් කර ඇත.


www
  www.ikman.news  සොයා යෑම
 
   

මුල් පිටුව

පුවත්

ගොසිප්

විදෙස් පුවත්

ක්‍රීඩා

සේයාරූ

වීඩියෝ


 

    ikman.news  අමතන්න  
  Copyright 2015  බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න