හෙරොයින් සමඟ විදෙස් ජාතික කරණවෑමියා අත්අඩංගුවට

රුපියල් තුන් කෝටි හතලිස් ලක්ෂයක් වටිනා හෙරොයින් මත්ද්‍රව්‍ය තොගයක් රැගෙන කටුනායක ගුවන් තොටුපොළට පැමිණි විදේශීය ගුවන් මගියෙකු රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ .

මොහු 32 හැවිරිදි ඉන්දීය ජාතික කරණවෑමියෙකි .

 මොහු 26 දින පස්වරු 04.15 ට මැලේසියාවේ ක්වාලාලම්පූර් නුවර සිට ශ්‍රී ලන්කන් ගුවන් සේවයේ යූ.එල්.- 315 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි .

 ඔහු විසින් රැගෙන ආ ගමන් මළු තුළ හෙරොයින් කිලෝ ග්‍රෑම් 02 යි ග්‍රෑම් 832 ක ප්‍රමාණයක් සගවා ගෙන සිටියදී රේගු මත්ද්‍රව්‍ය පාලන අංශයේ නිලධාරීන් විසින් අත් අඩංගුවට ගෙන තිබේ .

පළමු වතාවට මෙරටට පැමිණ ඇති මෙම ඉන්දීය ජාතිකයා මෙම මත්ද්‍රව්‍ය තොගය කොළඹ , බම්බලපිටිය ප්‍රදේශයේ හෝටලයක දී මෙරට මත්ද්‍රව්‍ය නියෝජිතයන් වෙත භාර දීමට සැළසුම් කර තිබූ බව අනාවරණය වී තිබේ .