බදුල්ල දිස්ත්‍රික් කම්කරු කාර්යාලයේ බෝම්බ බියක්

බදුල්ල දිස්ත්‍රික් කම්කරු කාර්යාලයේ විද්‍යුත් ලිපිනයට අද (14) උදෑසන කාර්යාල පරීශ්‍රයේ බෝම්බයක් ඇති බවත් එහි කාර්ය මණ්ඩලය ඉවත් කරන ලෙස දැනුම්දෙමින් විද්‍යුත් තැපෑලක් ලැබී තිබේ.

මේ පිළිබඳව බදුල්ල දිස්ත්‍රික් සහකාර කම්කරු කොමසාරිස් සුජාතා කුමාරි මහත්මියගෙන් කළ වීමසිමේදී ඇය පවසා සිටියේ, අද උදෑසන පෙරවරු 9.24ට පමණ බෝම්බයක් කාර්යාල සංකිර්ණය තුළ ඇති බැවින් එහි කාර්ය මණ්ඩලය ඉවත් කිරීමට කටයුතු කරන ලෙස දන්වා කාර්යාලයේ විද්‍යුත් තැපෑලට පණිවුඩයක් ලැබී තිබුණු බවය.

ඒ අනුව මේ පිළිබඳව බදුල්ල මූලස්ථාන පොලිස් ස්ථානය හා කම්කරු දෙපාර්තමේන්තුවේ කොළඹ දෙපාර්තමේන්තුව දැනුවත් කිරීමට කටයුතු කළ බව ද ඇය වැඩිදුරටත් සඳහන් කළාය.