රටේ පාලකයින් බුදුදහම සුරක්ෂිත කිරීමට බැඳී සිටිනවා - රනිල්
2026 January 21- Page Views : 1874
රටේ පාලකයින් බුදුදහම සුරක්ෂිත කිරීමට බැඳී සිටින බව හිටපු ජනාධිපති රනිල් වික්රමසිංහ මහතා පවසයි.
විදේශ පාලන කාලය තුළ පවා බුදුදහම ආරක්ෂා කිරීම සඳහා ක්රියාමාර්ග ගෙන තිබූ පසුබිමක වත්මන් පාලකයින්ට ඉන් මිදිය නොහැකි බව ඔහු වැඩිදුරටත් කියා සිටියේය.
ගාල්ල ප්රදේශයේ පැවති ආගමික උත්සවයකට එක්වෙමින් රනිල් වික්රමසිංහ මහතා මෙම අදහස් පළකළේය.
එහිදී වැඩිදුර අදහස් දැක්වූ රනිල් වික්රමසිංහ මහතා,
"විහාර දේවාලගම් පනත සම්මත කරලා තියෙනවා. ඒකෙ විහාරවලට අයිති දේවල් විහාරවලට. දේවාලවලට අයිති දේවල් දේවාලවලට අයිතියි. අපි දෙන රත්තරන් බඩු සියල්ලම අයිති වෙන්නේ දේවාලවලට නැත්තන් විහාරවලට. ඒවාට අතගහන්න ගිහින් රටට මොකක් වෙයිද කියලා මම දන්නේ නෑ"
"1815 එංගලන්තේ තුන්වෙනි ජෝජ් රජතුමා භාරගත්තා බුද්ධාගම ආරක්ෂා කරන්න"
"හැම පක්ෂයකම යුතුකමක් තියෙනවා මේක අරගෙන සංඝයාවහන්සේලා එක්ක එකතු වෙලා මේක ආරක්ෂා කරන්න"