කාසල්රි සහ මවුස්සාකැලේ ජලාශවල ජල මට්ටම සිඝ්‍රයෙන් පහළට

මධ්‍යම කඳුකරයේ බටහිර බැවුම් ප්‍රදේශවල මේ දිනවල පවතින අධික වියළි කාලගුණයත් සමග කාසල්රි සහ මවුස්සාකැලේ ජලාශවල ජල මට්ටම සිඝ්‍රයෙන් පහළ බැසීමත් සමග ජලාශයේ නටඹුන් යළි මතුවෙමින් පවතින බව එම ජලාශයන් භාර ඉංජිනේරුවන් පවසනවා.

ඊයේ (26) සවස 6:00 වන විට මවුස්සාකැලේ ජලාශය පිටාර මට්ටමේ සිට අඩි 40 අගල් 9 කින් සහ කාසල්රි ජලාශය පිටාර මට්ටමේ සිට අඩි -39 අගල් 4 කින් පහල බැස තිබෙනවා.

කාසල්රි සහ මවුස්සාකැලේ ජලාශවලින් ලබාගන්නා ජලයෙන් විමලසුරෙන්ද්‍ර, කැනියොන්, ලක්ෂපාන, නව ලක්ෂපාන, පොල්පිටිය යන ජල විදුලි බලාගාර වල විදුලි උත්පාදනය සිදු කරනු ලබනවා.

තවදුරටත් වියලි කාලගුණය පැවතුනහොත් ජල විදුලි උත්පාදනයට බාධා විය හැකි බවයි එම ජලාශභාර ඉංජිනේරුවන් කියා සිටිනවා.