උත්සව සමයේ හිඟයකින් තොරව කුකුළු මස් වෙළෙඳපොළට
2026 March 28- Page Views : 1879
උත්සව සමයේ කිසිදු හිඟයකින් තොරව කුකුළු මස් තොග වෙළෙඳපොළට යොමු කිරීම සඳහා පියවර ගෙන ඇති බව ශ්රී ලංකා සත්ත්ව නිෂ්පාදකයින්ගේ සංගමය පවසයි.
එහි සභාපති අජිත් ගුණසේකර මහතා පැවසුවේ පවතින තෙල් අර්බුධයත් සමඟ කුකුළු මස් මිල ඉහළ යාමේ අවදානමක් පැවතිය ද එය රුපියල් 1,250ක මිල යටතේ පවත්වාගෙන යාමට සැලසුම් කර බවය.
මේ අතර ඔහු වැඩිදුරටත් පැවසුවේ ලෝක වෙළෙඳපොළේ සත්ත්ව ආහාර මිල ගණන් සීඝ්රලෙස ඉහළ ගොස් ඇති බවය.
එහිදී අදහස් දැක්වූ ශ්රී ලංකා සත්ත්ව නිෂ්පාදකයින්ගේ සංගමයේ සභාපති අජිත් ගුණසේකර මහතා,
'' අප්රෙල් මාසේ වෙද්දී සියලුම ගොවිපොළවල් උපරිම ධාරිතාවයෙන් නිෂ්පාදන කටයුතු සිදු කරනවා.. හිඟයකින් තොරව මස් හා බිත්තර ලබා දෙන්න තමා අපේ උත්සාහය තිබ්බේ. නමුත් රටේ උද්ගත වෙලා තියෙන තත්ත්වය නිසා පවතින ඉන්ධන හිඟය නිසා ප්රවාහන වියදම් අධික වෙලා තියෙනවා. ඒකේ පිරිවැය අපිට දරන්න වෙනවා.. එතකොට කුකුල් මස්වලට අධික ඉල්ලුමක් ආවොත් ඒ ප්රමාණය දෙන්න පුලුවන් ද කියන එක මත මිල උච්චාවචනය වෙනවා.. වෙළෙඳපොල තමා මිල තීරණය කරන්නේ අපි නෙමෙයි.. අපි බලාපොරොත්තු වෙනවා හිඟයකින් තොරව සැපයුම ලබා දෙන්න මොකද හිඟයක් ඇති වුණොත් ඒ තත්ත්වය ඇති වෙන්න පුලුවන්.. හදිසියේ ඩීසල් නැති වුණොත් ප්රවාහනය නැති වුණොත් ඉදිරිය කියන්න බෑ අපිට''