පදක්කම් දිනූ ශ්‍රී ලංකා ජූඩෝ කණ්ඩායම දිවයිනට

තායිලන්තයෙන් පැවති අන්තර්ජාතික ජූඩෝ තරගාවලියට ශ්‍රී ලංකාව නියෝජනය කරමින් සහභාවූ ශ්‍රී ලාංකික ජූඩෝ කණ්ඩායම ඊයේ (09/24 ) රාත්‍රී කටුනායක ගුවන් තොටුපොළ වෙත පැමිණියා.

එහිදී ඔවුන් රන් පදක්කමක් , රිදී පදක්කම් 04 ක් සහ ලෝකඩ පදක්කම් 04 ක් දිනා ගත්තා.

ආර්.සී.එන්.ධර්මවර්ධන ක්‍රීඩකයා කිලෝ ග්‍රෑම් 73 බර පංතිය යටතේ තරග කරමින් රන් පදක්කම දිනා ගැනීමට සමත් වුණා.

ඔහු ශ්‍රී ලංකා ගුවන් හමුදාව නියෝජනය කරන ක්‍රීඩකයෙකි . මෙම තරගාවලිය ලෝකයේ රටවල් 15 කට අධික සංඛ්‍යාවකගේ සහභාගීත්වයෙන් පවත්වා තිබුණා.

ජූඩෝ කණ්ඩායම පිළිගැනීම සඳහා ශ්‍රී ලංකා ජූඩෝ සංගමයේ නිලධාරීන් , ශ්‍රී ලංකා ගුවන් හමුදා නිලධාරීන් සහ මෙම ක්‍රීඩක ක්‍රීඩිකාවන්ගේ දෙමාපියන් නෑදෑ හිතවතුන් විශාල පිරිසක් කටුනායක ගුවන් තොටුපොළ වෙත පැමිණ සිටියා.