සජීවී විකාශයකින් ඩොලර් මිලියන 12ක් හොයා MrBeastගෙන් ගිනස් වාර්තාවක්
2025 August 18- Page Views : 88
ලොව අංක එකේ යූටියුබ්කරු ලෙස සැලකෙන MrBeast සහ ඔහුගේ කණ්ඩායම විසින් නවතම ගිනස් වාර්තාවක් පිහිටුවා තිබෙනවා.
ඒ පැය 15ක සජීවී විකාශයක් (livestream) හරහා ඩොලර් මිලියන 12ක මුදලක් රැස් කිරීම හරහායි.
එය මෙතෙක් ඉතිහාසයේ සජීවී විකාශයක් (livestream) හරහා උපයන ලද වැඩිම ආදායමට හිමි වාර්තාවයි.
MrBeast සහ ඔහුගේ කණ්ඩායම මෙම සජීවී විකාශය (livestream) කර තිබුණේ, සිය TeamWater නැමැති සමාජ සත්කාර ව්‍යාපෘතිය සඳහා මුදල් අය කර ගැනීමටයි.
TeamWater යනු ලොව පුරා සිටින පානීය ජල පහසුකම අහිමි මිනිසුන් මිලියන 2ක් සඳහා පානීය ජලය ලබා දීමේ වැඩසටහනක්.
MrBeast සහ ඔහුගේ කණ්ඩායම විසින් ඉකුත් දා කළ මෙම සජීවී විකාශය (livestream) ඔස්සේ උපයා ඇති ආදායම ශ්‍රී ලංකා රුපියල්වලින් බිලියන 3.6කට ආසන්නයි.