’’කෝප්’’ හොරු සොයා ඔෆිස් 457 ක් පීරයි
2025 August 28- Page Views : 23
රාජ්‍ය ආයතන 457 ක දූෂණ වංචා සහ අක්‍රමිකතා සොයා ගැනීම සඳහා විමර්ශන වේගවත් කිරීමට පොදු ව්‍යාපාර පිළිබඳ පාර්ලිමේන්තු කාරක සභාව (කෝප් කමිටුව) තීරණය කර ඇත.
මෙහි මූලික පියවර ලෙස එම ආයතන 457 ට අදාළ විගණන වාර්තා කඩිනමින් කැඳවීමට කටයුතු කරන බව කෝප් කමිටුවේ සභාපති වෛද්‍ය නිශාන්ත සමරවීර මහතා ලංකාදීපයට පැවසීය.
පසුගිය කාලයේදී කෝප් කමිටුව හමුවට කැඳවා විමර්ශන කර ඇත්තේ ආයතන සීමිත ප්‍රමාණයක් පමණක් බවත් සමහර ආයතන එහිදී මගහැරී ඇතැයි පෙනී යන බවත් ඔහු ප්‍රකාශ කළේය.
දූෂණ වංචා සහ ක්‍රමිකතා වැඩි වශයෙන් සිදුවී ඇති ආයතන හඳුනාගෙන එම ආයතන ඉක්මනින්ම කමිටුව හමුවට කැඳවා විමර්ශන කිරීමට බලාපොරොත්තු වන බව පැවසූ සමරවීර අනතුරුව ඒ සම්බන්ධයෙන් නීතිමය ක්‍රියාමාර්ග ගැනීම සඳහා තොරතුරු වාර්තා නීති අංශ වෙත ඉදිරිපත් කිරීමට බලාපොරොත්තු වන බවද සඳහන් කළේය.