කොටුව විරෝධතාව සංවිධානය කළ අය හඳුනා ගනිමින් සිටින බව පොලිස්පති කියයි

කොටුව මහේස්ත්‍රාත් අධිකරණයට පිවිසෙන මාර්ගයේ සිදු වූ විරෝධතාව සම්බන්ධව ලැබුණු අධිකරණ නියෝගයට අනුව, විරෝධතාව සංවිධානය කළ පුද්ගලයන් ඡායාරූප මගින් හඳුනා ගනිමින් සිටින බව පොලිස්පති ප්‍රියන්ත වීරසූරිය පවසනවා.

මින් පෙර ඇප ලබා ගැනීම සඳහා මෙවැනි විරෝධතාවක් ක්‍රියාත්මක වී නොමැති බවත්, මෙය එවැනි විරෝධයක් ක්‍රියාත්මක වූ පළමු අවස්ථාව බවත් පොලිස්පතිවරයා වැඩිදුරටත් සඳහන් කළා. පොලීසියේ අවධානය මෙම විරෝධතාව සංවිධානය කළ පිරිස් වෙත විශේෂයෙන්ම යොමුව ඇති බවයි ඔහු ප්‍රකාශ කළේ.