බදු අපරාධ විමර්ශන අංශයේ කටයුතු පුළුල් කෙරේ

දේශීය ආදායම් දෙපාර්තමේන්තුවේ බදු අපරාධ විමර්ශන අංශයේ කටයුතු පුළුල් කර තිබෙනවා.

ඒ අනුව එම අංශය දෙපාර්තමේන්තුවේ 10 වන මහලේ ස්ථාපිත කළ බවයි දේශීය ආදායම් දෙපාර්තමේන්තුව සඳහන් කළේ.

දේශීය ආදායම් පනතට අනුව සිදු කෙරෙන වරදක් සම්බන්ධයෙන් විමර්ශනය කිරීම මෙම අංශය යටතේ සිදු කෙරෙනවා.

එහි රාජකාරි, නීතිපති දෙපාර්තමේන්තුව, අල්ලස් කොමිසම, මහ බැංකුව, අපරාධ විමර්ශන කොට්ඨාසය, රේගුව සහ සුරාබදු දෙපාර්තමේන්තුව වැනි ආයතන සමග සමීප සබදතාවක් සහිතව සිදු කරන බවයි දේශීය ආදායම් දෙපාර්තමේන්තුව නිවේදනය කළේ.