Welcome Ikman.news
 

 

[Login

 

 

මුල් පිටුව

පුවත්

ගොසිප්

විදෙස් පුවත්

ක්‍රීඩා

සේයාරූ

වීඩියෝ

 

කොවිඩ් ආසාදිතව සුවය ලැබූ පුද්ගලයින් ට මානසික ආතතිය ?

|Tue 14 September 2021|Miscellaneous| Page Views :

කොවිඩ් ආසාදනය වී සුව වූ පසුවද ඇතැම් පුද්ගලයින්ට විවිධ කොවිඩ් රෝග ලක්ෂණ පෙන්නුම කරන බව අංගොඩ ජාතික මානසික විද්‍යායතනයේ මනෝ වෛද්‍ය, විශේෂඥ වෛද්‍ය සංජීවන අමරසිංහ මහතා පවසයි.

ඔහු පෙන්වා දෙන්නේ එවැනි රෝග ලක්ෂණ පෙන්නුම් කරන්නේ නම් රජයේ රෝහල්වල පවතින සායනවලට ගොස් ප්‍රතිකාර ගැනීමේ හැකියාව පවතින බවය.

සෞඛ්‍ය ප්‍රවර්ධන කාර්යංශයේ ඊයේ (13) පස්වරුවේ පැවති මාධ්‍ය හමුවකට එක්වෙමින් විශේෂඥ වෛද්‍ය සංජීවන අමරසිංහ මහතා එම අදහස් පළ කළේය.

“කොවිඩ් රෝගයට පසුව රෝගය හොඳවෙලා ගෙදර ගියාට පස්සේ හුස්ම ගන්නට අමාරු වගේ වෙනවානම්, කතාකරන කොට ඇවිදිනකොට හුස්ම ගන්නට අමාරුයි වගේ වෙනවානම් ගොඩක් අය බය වෙනවා. මට මේ රෝගය වැඩි වෙනවාද, මට දැන් ආයෙත් රෝහල්ගත වෙන්න වෙයිද ? ඉතින් ඒ නිසා මානසික ආතතියක් ඇතිවෙනවා. ඒ මානසික ආතතිය නිසා නැවතත් හුස්ම ගන්න වේගය වැඩිවෙන්නට පුළුවන් තවදුරටත් පපුව ගැහෙන එක වැඩිවෙන්නට පුළුවන්. මේක විෂම චක්‍රයක් වගේ වෙන්න පුළුවන්. ඒක නිසා මානසික ආතතිය නිසා මේ ප්‍රශ්නය වැඩි වෙන්න පුළුවන්. තදබල වෛරස් රෝගයට පස්සේ කාලයක් යනතුරු යම් මට්ටමකට රෝග ලක්ෂණ තිබෙන බව දැනගන්න. බොහෝ වෙලාවට මාස 6ක් අවුරුද්දක් යනතුරු ඇතැම් අයගේ තියෙනවා මේ රෝග ලක්ෂණ. මේ රෝග ලක්ෂණ පිළිබඳව බයවෙන්න හොඳ නැහැ. ඒ රෝග ලක්ෂණ වැඩිනම් ඒ සම්බන්ධව සායනයකට යොමුවෙන්නට ඕනේ. අපි දකිනවා මේ තත්ත්වය නිසා ගොඩක් අය මානසිකව බලපෑමකට ලක්වෙන්නට පුළුවන්. දරුවන්ගේ මානසික තත්ත්වය ගැනත් අපි අවධානයෙන් ඉන්නට ඕනේ මොකද වැඩිහිටියෝ පවා ඇතැම්විට මානසිකව මට කලකරීමක් කියන්නේ නැහැ. ඒ අය ඇඟට ඇතිවන අපහසු ගතිය තමයි වැඩියෙන් කියන්නේ. ඉතින් මේ වගේ ලක්ෂණ පෙන්නවානම් ගොඩක් අවධායෙන් සිටින්නට ඕනේ. කොවිඩ් නිසා මානසික මට්ටමේ වෙනස්කම් තියෙනවා. එහෙම දේවල් යම් මට්ටමකට තිබෙනවා නම් 1926 අංකයට කතාකරලා උපදෙසක් ලබාගන්න.“


www
  www.ikman.news  සොයා යෑම
 
   

මුල් පිටුව

පුවත්

ගොසිප්

විදෙස් පුවත්

ක්‍රීඩා

සේයාරූ

වීඩියෝ


 

    ikman.news  අමතන්න  
  Copyright 2015  බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න