අස්වැසුම ප්‍රතිලාභීන්ට ඩෙබිට් කාඩ්පතක්

අස්වැසුම ප්‍රතිලාභීන්ට මාසික දීමනාව පහසුවෙන් ලබා ගැනීම සඳහා නොමිලේ ඩෙබිට් කාඩ් පත් ලබා දීමේ වැඩසටහනක් වැලිමඩ ප්‍රාදේශීය ලේකම් කාර්යාලයේදී ක්‍රියාත්මක කෙරුණා.

අස්වැසුම ප්‍රතිලාභ ලබන පිරිසට කිසිදු අපහසුවකින් තොරව මාසික දීමනාව ලබා ගැනීම සඳහා අවශ්‍ය ක්‍රියාමාර්ග ගැනීමට පියවර ගත්තා.

ඒ අනුව නොමිලේ ඩෙබිට් කාඩ්පත් ලබා දීමටයි තීරණය කෙරුණේ.

වැලිමඩ ප්‍රාදේශීය ලේකම් කාර්යාලය මගින් ලංකා බැංකුව සමග එක්ව ඩෙබිට් කාඩ්පත් වැඩසටහන ක්‍රියාත්මක කර ඇත්තේ මේ අනුවයි.

වැලිමඩ ප්‍රාදේශීය ලේකම් සුනෙත් ජිනෙන්ද්‍රසේන මහතාගේ මූලිකත්වයෙනුයි වැඩසටහන ක්‍රියාත්මක කර තිබෙන්නේ.