නීති විරෝධී මත්පැන් සමඟ සැකකරුවෙකු අත්අඩංගුවට

මත්පැන් ලීටර් 67 ක් සන්තකයේ තබාගෙන ත්‍රිරෝද රථයකින් ගමන් කරමින් සිටි සැකකරුවෙකු බෙම්මුල්ලදී පොලිසිය විසින් අත්අඩංගුවට ගෙන තිබෙනවා.

බෙම්මුල්ල, කොරස ප්‍රදේශයේදී ඊයේ (04) රාත්‍රීයේ බෙම්මුල්ල පොලිස් ස්ථානයේ නිලධාරීන් කණ්ඩායමක් විසින් ලද තොරතුරක් මත මෙම අත්අඩංගුවට ගැනීම සිදු කළ බව පොලිසිය පවසනවා.

අත්අඩංගුවට ගත් සැකකරු වයස අවුරුදු 43ක් වන කොටුගොඩ ප්‍රදේශයේ පදිංචිකරුවෙකි.

සිද්ධිය සම්බන්ධයෙන් බෙම්මුල්ල පොලිසිය වැඩිදුර විමර්ශන සිදු කරනු ලබයි.