මාරක රිය අනතුරකින් තරුණියක් මරුට
2024 November 05- Page Views : 45
බණ්ඩාරගම පානදුර මාර්ගයේ බොල්ගොඩ ප්‍රදේශයේ වම් මංතීරුවේ පිළිසකර කටයුත්තක් හේතුවෙන් බණ්ඩාරවෙල දෙස සිට පානදුර දෙසට ධාවනය වූ බස් රථයක් දකුණු මංතීරුවෙන් ධාවනය කර නැවත වම් මංතීරුවට ගැනීමේදී ත්‍රීරෝද රථයක ගැටී තිබෙනවා.
එම අනතුරින් ත්‍රිරෝද රථයේ පිටුපස අසුනේ ගමන් කළ තරුණියක් බරපතල තුවාල ලබා බණ්ඩාරගම රෝහලට ඇතුළත් කර වැඩිදුර ප්‍රතිකාර සඳහා හොරණ රෝහල වෙත මාරුකර යවා ඇති අතර, එහිදී ප්‍රතිකාර ලබමින් සිටියදී ඇය මියගොස් ඇති බව පොලිසිය පවසනවා.
මරණකාරිය වයස අවුරුදු 23ක් වූ බණ්ඩාරගම ප්‍රදේශයේ පදිංචිකාරිනියක්.
මෘත ශරීරය හොරණ රෝහලේ මෘත ශරීරාගාරයේ තැන්පත් කර ඇති අතර, බණ්ඩාරගම පොලිසිය වැඩිදුර විමර්ශන සිදු කරනු ලබනවා