යෝෂිත සහ ඩේසි ෆොරොස්ට් අධි චෝදනා භාර දෙයි
2025 July 02- Page Views : 33 මුදල් විශුද්ධිකරණය වැළැක්වීමේ පනත යටතේ වූ තවත් නඩුවක් සඳහා හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂට සහ ඔහුගේ මිත්තණිය වන ඩේසි ෆොරොස්ට් යන අයට අද (02) කොළඹ මහාධිකරණය හමුවේ අධි චෝදනා භාර දී තිබෙනවා.
මෙම අධිචෝදනා භාර දීම කොළඹ මහාධිකරණ විනිසුරු ප්රදීප් අබේරත්න මහතා ඉදිරියේ සිදු වුණා.
ඒ අනුව විත්තිකරුවන් දෙදෙනා රුපියල් මිලියනය බැගින් වූ ශරීර ඇප දෙකක් මත මුදා හැරීමටද විනිසුරුවරයා නියම කළා.
විත්තිකරුවන්ගේ ඇඟිලි සලකුණු ලබාගෙන වාර්තා කැඳවන ලෙසත් විනිසුරුවරයා නියම කර තිබෙනවා.