පාලමක් කඩා වැටීමෙන් ගලහ - දෙල්තොට මාර්ගයේ ගමනාගමනය නවතී

අධික වර්ෂාවත් සමඟ දෙල්තොට ප්‍රදේශයේ පාලමක් කඩා වැටීම හේතුවෙන් ගලහ - දෙල්තොට මාර්ගයේ ගමනාගමන කටයුතු සම්පූර්ණයෙන්ම ඇනහිට තිබේ.

මේ හේතුවෙන් මෙම මාර්ගය භාවිත කරන මහජනතාවට විකල්ප මාර්ග භාවිත කරන ලෙස පොලිසිය දැනුම්දීමක් කර ඇත. පේරාදෙණිය - දෙල්තොට (B364) මාර්ගයේ ගල්ඔය කණුව බෝක්කුවේ සංවර්ධන කටයුතු සිදුවෙමින් පවතින අතරතුර එම පාලමේ දකුණු ඉවුර කොටස මෙලෙස කඩා වැටීමට ලක්ව ඇති බව වාර්තා වේ.

පේරාදෙණිය පොලිසිය විසින් මේ පිළිබඳව මාර්ග සංවර්ධන අධිකාරිය ඇතුළු අදාළ අනෙකුත් අංශ දැනුවත් කිරීමට ද පියවර ගෙන ඇත.