නොවැම්බර් පැවැත්වෙන මධ්‍යකාලීන මැතිවරණයෙන් (midterm election) රියාපබ්ලිකන් පක්ෂය කොංග්‍රසයේ බලය රඳවා ගත්තොත්, සෑම අමෙරිකානු වැඩිහිටියෙකුටම අමෙරිකානු ඩොලර් 5,000ක මුදලක් ගෙවන බව ජනාධිපති ඩොනල්ඩ් ට්‍රම්ප් ප්‍රකාශ කර තිබේ.

ඡන්දදායකයින් තම පක්ෂය වෙත දිනා ගැනීම සඳහා ගත් දැවැන්ත උත්සාහයක් ලෙස මෙය සැලකේ.

ට්‍රම්ප් මෙම යෝජනාව ඉදිරිපත් කළේ ටෙක්සාස්හි ඩලස් නගරයේ පැවති රිපබ්ලිකන් පක්ෂයේ ප්‍රථම මධ්‍යකාලීන සම්මේලනයේදීය.

කෙසේ වෙතත්, මෙම මුදල් ගෙවීම් කටයුතු සිදුවන ආකාරය හෝ එය නීත්‍යානුකූල වන්නේ කෙසේද යන්න පිළිබඳව මෙතෙක් පැහැදිලි කිරීමක් නොමැති බව විදෙස් මාධ්‍ය පවසයි.

අමෙරිකානු වැඩිහිටියන් මිලියන 270ක් පමණ සිටින බැවින්, මෙම යෝජනාව සඳහා දළ වශයෙන් ඩොලර් ට්‍රිලියන 1.35ක පමණ මුදලක් වැය වනු ඇත.