වාරියපොල පොලිස් වසමේ වාරියපොල - හලාවත මාර්ගයේ බණ්ඩාර කොස්වත්ත ප්‍රදේශයේදී වාරියපොල දෙසට ධාවනය වූ යතුරුපැදියක එම දිසාවටම ගමන් කල පදික කාන්තාවක් ගැටී අනතුරක් සිදුව ඇත.

ඊයේ(09) සිදුවූ මෙම අනතුරින් පැදිකරු හා පදික කාන්තාව තුවාල ලබා වාරියපොල රෝහලට ඇතුලත් කිරීමෙන් පසු පදික කාන්තාව මියගොස් ඇත.

මරණකාරිය අවුරුදු 66ක් වූ පුත්තලම ප්‍රදේශයේ පදිංචිකාරියකි.

මේ අතර ඊයේ(09) සවස අතුරුගිරිය පොලිස් වසමේ අතුරුගිරිය - ගොඩගම මාර්ගයේ හබරකඩ ප්‍රදේශයේදී ගොඩගම දෙසට ධාවනය වූ ත්‍රීරෝද රථයක් එම දිසාවටම ගමන් කල  යතුරුපැදියක ගැටී අනතුරක් සිදුව ඇත.

අනතුරින් යතුරුපැදිකරු තුවාල ලබා හෝමාගම රෝහලට ඇතුලත් කිරීමෙන් පසු මියගොස් ඇත.

මරණකරු අවුරුදු 38ක් වූ ආටිගල ප්‍රදේශයේ පදිංචිකරුවෙකි.

සිද්ධියට සම්බන්ධ ත්‍රී රෝද රථ රියැදුරු අත්අඩංගුවට ගෙන ඇති අතර අතුරුගිරිය පොලීසිය විසින් වැඩිදුර විමර්ශන සිදුකරනු ලබයි.