යුද්ධ හමුදා බුද්ධි නිලධාරීන් සහ පොලිස් විශේෂ කාර්ය බළකායේ සාමාජිකයින් එක්ව සිදුකළ ඒකාබද්ධ මෙහෙයුමකදී, රුපියල් අනූඅට ලක්ෂ පනස්එක්දහස් පන්සීයකට (රු. 9,851,500.00) ආසන්න වටිනාකමකින් යුත් 'අයිස්' මත්ද්‍රව්‍ය තොගයක් සමඟ සැකකරුවෙකු අත්අඩංගුවට ගෙන තිබේ.

ඊයේ 12 වන දින වත්තල, කෙරවලපිටිය ප්‍රදේශයේ පිහිටි සුපිරි වෙළෙඳසැලක් (කීල්ස්) ඉදිරිපිටදී මෙම වැටලීම සිදුකර ඇති අතර, එහිදී 'අයිස්' (Crystal Methamphetamine) මත්ද්‍රව්‍ය කිලෝග්‍රෑම් 01යි ග්‍රෑම් 37ක ප්‍රමාණයක් සොයාගෙන ඇත. මෙම ජාවාරම සම්බන්ධයෙන් අංක 44/බී, 9 වන පටුමග, නවජනපුරය, අවරකොටුව ප්‍රදේශයේ පදිංචි පුද්ගලයෙකු මෙලෙස අත්අඩංගුවට පත්ව තිබේ.

අත්අඩංගුවට ගත් සැකකරු සහ අදාළ මත්ද්‍රව්‍ය තොගය සම්බන්ධයෙන් ඉදිරි නීතිමය කටයුතු වත්තල පොලීසිය විසින් සිදුකරනු ලබයි.