පෘථිවි කක්ක්ෂයේ අභ්‍යවකාශ අවියක් ස්ථානගත කර ඇති බව එක්සත් ජනපදය විසින් පළමුවරට පිළිගෙන ඇතැයි විදෙස් මාධ්‍ය වාර්තා කර තිබේ.

එක්සත් ජනපද ගුවන් හමුදා ලේකම් ට්‍රොයි මෙයින්ක් සඳහන් කර ඇත්තේ කක්ක්ෂය තුළ අවි ස්ථාන ගත කර ඇත්තේ සතුරු ක්‍රියාමාර්ගවලින් එක්සත් ජනපදය හමුදා ආරක්ෂා කිරීමට බවය.

ගුවන් අභ්‍යවකාශ සහ සයිබර් පිළිබඳව පැවැති සමුළුවකදී ඔහු මේ සම්බන්ධව අදහස් දක්වා ඇතැයි විදෙස් මාධ්‍ය වැඩිදුරටත් වාර්තා කර තිබේ.

කෙසේ නමුත් මෙම අවිය පිළිබඳව හෝ එහි හැකියාවන් පිළිබඳව ඔහු වැඩිදුරටත් විස්තර කර නොමැති බවද සඳහන් වේ.