නොච්චියාගම මහ දවල් සිදුවූ මාරක අනතුර ගැන ඇසෙන කතාව මෙන්න..

සීමාව ඉක්මවා යමින් මහ මග රේස් දුවන වාහන නිසා සිදුවෙන අනතුරු ගැන අපි නිතරම අසා තිබෙනවා.

මේ කියන්න යන්නේ තවත් අන්න ඒ වගේ අනතුරක් ගැන කතාවක්. ඊයේ දහවල් නොච්චියාගම පොලිස් වසමේ පුත්තලම - ත්‍රිකුණාමලය මාර්ගයේ නොච්චියාගම නගරයේ දී මාරක අනතුරක් සිදුවුණා.

පුත්තලම සිට අනුරාධපුරය දෙසට ධාවනය වූ යතුරු පැදියක්, බස් නැවතුමක නවතා තිබූ බස් රථයකට ඉස්සර කිරීමට ගොස් අනතුරක් සිදුව තිබුණා.

එම අවස්ථාවේ දී බසයට පිටුපසින් පැමිණි තවත් බස් රථයක් නවතා තිබූ බසයට හා යතුරුපැදියට ඉස්සර කිරීමේ දී යතුරුපැදියේ ගැටුණු අතර, එහිදී යතුරුපැදියේ පිටුපස සිටි කාන්තාව විසි වී ගොස් ජීවිතක්ෂයට පත්ව තිබුණා.

මෙලෙස මියගිය ඇය රාජාංගනය ප්‍රදේශයේ පදිංචි 34 හැවිරිදි කාන්තාවක්.කොහොම වුණත් ඊයේ සිදුවුණු මෙම අනතුර ගැන සමාජ මාධ්‍ය තුළත් දැඩි කතාබහක් නිර්මාණය වෙලා තිබුණා.