වනඇත් හා අලින්ගෙන් ලබා ගත් දළ කොටස් හා අලිකෙඳි සන්තකයේ තබාගෙන සිටි සැකකරුවෙකුව බුත්තල පොලිස් විසින් අත්අඩංගුවට ගෙන තිබේ.

බුත්තල නගරයේ බුත්තල පොලිස් ස්ථානයේ නිලධාරීන් කණ්ඩායමක් විසින් ලද තොරතුරක් මත සිදුකළ වැටලීමක දී ඊයේ (09) මෙම සැකකරු අත්අඩංගුවට ගෙන ඇත.

ඔහු සංතකයේ තිබී දළ කොටස් 11 ක් ඇත්දළ කොටස් වලින් සකසන ලද අත් පළඳනාවක් හා ඇත් කෙඳි 29 ක් පොලිස් භාරයට ගෙන තිබේ.

සැකකරු අවුරුදු 67 ක් වන පානදුර ප්‍රදේශයේ පදිංචිකරුවෙකි.

බුත්තල පොලිසිය විසින් වැඩිදුර විමර්ශන සිදු කරනු ලබයි.