රුසියාවෙන් යුක්රේනයට තවත් අවස්ථාවක්.....

යුක්රේනයේ මරියුපෝල් වරාය නගරයේ සිටින යුක්රේන හමුදා වලට යටත්වීම සඳහා රුසියාව කාල විරාමයක් ප්‍රකාශයට පත්කර තිබේ. මේ අතර අද දිනයේත් කියෙව් අගනුවර පිපිරීම් කිහිපයක් සිදුව ඇති බවයි විදෙස් මාධ්‍ය වාර්තා කර ඇත. දකුණුදිග යුක්රේනයේ මරියුපෝල් වරාය නගරයේ සිටින යුක්රේන හමුදා වලට යටත්වීම සඳහා රුසියාව අද කාල විරාමයක් ප්‍රකාශයට පත්කළා මොස්කව් වේලාවෙන් අද පෙරවරු 10 වනවිට එලෙස යටත් වන්නේ නම් යුක්රේන හමුදා සාමාජිකයින්ගේ ජීවිත ආරක්ෂාව පිළිබඳව තම රට වගකීම දරණ බවයි රුසියා හමුදා සඳහන් කළේ. ජිනීවා සම්මුතිය යටතේ යුධ සිරකරුවන්ට සලකන ආකාරයෙන් කටයුතු කිරීමට තමන් සූදානම් බවයි රුසියාව වැඩිදුරටත් සඳහන් කරන්නේ. කෙසේවෙතත් මේ පිළිබඳව තවමත් යුක්රේනයෙන් කිසිඳු ප්‍රතිචාරයක් ලැබී නැති බවයි විදෙස් වාර්තා පෙන්වා දී තිබේ.