බ්‍රිතාන්‍ය රාජකීය කිරුළ නවීකරණය කිරීමට පියවර

තුන්වන චාල්ස් රජුගේ රාජභිෂේකය වෙනුවෙන් මව් රැජිණ පැළඳි කිරුළ නවීකරණය කිරීමට පියවර ගෙන ඇති බව බකිංහැම් මාළිගාව නිවේදනය කර තිබෙනවා.

ඒ, රාජකීය සම්ප්‍රදායට අනුවයි. බ්‍රිතාන්‍ය රාජකීයත්වයට පත්වන නව රජු හෝ රැජිණ රාජාභිෂේකය සිදුකරන අවස්ථාවේ මෙම ඓතිහාසික කිරුළ පළඳවනු ලබනවා.

එය හැඳින්වෙන්නේ ශාන්ත එඩ්වඩ් කිරුළ ලෙසයි.

රාජභිෂේකයෙන් පසු එය නැවතත් තැන්පත් කර තැබෙන්නේ ලන්ඩන් කුළුණේයි.

බකිංහැම් මාලිගාව පවසන්නේ ලබන වසරේ මැයි මාසයේ පැවැත්ැවෙන තුන්වන චාල්ස් රජුගේ රාජභිෂේකය වෙනුවෙන් ලන්ඩන් කුළුණෙන් ඉවතට ගෙන මෙම කිරුළ නවීකරණය ආරම්භ කර ඇති බවයි.