හොර සල්ලි ජාවාරමේ ගිය අම්මයි දුවයි මාට්ටු

වෙළෙඳසල්වලට ව්‍යාජ මුදල් නෝට්ටු දී භාණ්ඩ හා ඉතිරි මුදල් රැගෙන පලා යන කූට ජාරම් කාරියක සහ ඇගේ 16 හැවිරිදි දියණිය ඇතුළු තිදෙනකු අත්අඩංගුවට ගත් බව අගලවත්ත පොලිසිය පවසයි.

මෙසේ අත්අඩංගුවට ගෙන ඇත්තේ කළුතර ප්‍රදේශයේ පදිංචි මවක සහ දියනියක සමග ඔවුන් පැමිණි කූලි රථය පැදවූ රියදුරු වන කළුතර දකුණ පදිංචි 43 හැවිරිදි පුද්ගලයකු බව පොලිසිය පවසයි.

බුලත්සිංහල කලවැල්ලාව ප්‍රදේශයේ වෙළෙඳ සැලකට රුපියල් 5000ක ව්‍යාජ මුදල් නොට්ටුක් දී භාණ්ඩයක් හා ඉතිරි මුදල් රැගෙන කාර් රථයකින් කලවැල්ලාව සිට අගලවත්ත දෙසට එමින් සිටියදී අගලවත්ත පොලිසියට ලද තොරතුරක් මත ඔවුන් පැමිණි රථයද සමග අත්අඩංගුවට ගත් බව පොලිසිය පවසයි. අත්අඩංගුවට ගත් අවස්ථාවේ ව්‍යාජ මුදල් ලබා දී මිලදී ගත් භාණ්ඩ කීපයක් හා බිල්පත් සමග ඉතිරි මුදල්ද අත්අඩංගුවට ගත් බවත් මෙම කාන්තාව ඇගේ දියනිය ද සමගින් මෙම කූට ව්‍යාපාරය කලක් තිස්සේ කුලියට ගන්නා ලද කාර් රථයකින් අගලවත්ත,මතුගම, බුලත්සිංහල ඇතුළු ප්‍රදේශය පුරා කරගෙන ගොස් ඇති බවට තොරතුරු අනාවරණය වී ඇති බත් පොලිසිය පවසයි.