ජපානයට බලපා ඇති ප්‍රබල ‘‘ටයිෆූන්‘‘ සුළි කුණාටුවේ බලපෑම හේතුවෙන් මිලීමීටර් 300කට අධික වාර්තාගත වර්ෂාපතනයක් ඇති විය හැකි බවට එරට කාලගුණ අංශ අනතුරු අඟවා තිබේ.

සුළි කුණාටුව හේතුවෙන් දුම්රිය සහ ගුවන්තොටුපොළ කටයුතු ද සීමා කිරීමට පියවර ගෙන ඇති බව විදෙස් මාධ්‍ය වාර්තා කළේය.

ජපාන කාලගුණ බලධාරීන් අනාවැකි පළ කරන්නේ එරට ප්‍රදේශ කිහිපයකට වාර්තා ගත වර්ෂාපතනයක් ඉදිරි දින කිහිපයේදී ලැබෙනු ඇති බවය.

ඒ අනුව ටෝකියෝ කලාපයට මිලිමීටර් 350ක පමණ තද වැසි ඇති වීමේ හැකියාවක් ද පවතින අතර මේ හේතුවෙන් පහත් බිම් ප්‍රදේශවලට දරුණු ගංවතුර තත්ත්වයක් ඇති විය හැකි බව ද එරට කාලගුණ බලධාරීන් පවසයි.