ඉරානය සහ කටාර් අතර ගුවන් ගමන් සීමා වෙයි

කාටාර් එයාර්වේස් (Qatar Airways) සමාගම විසින් ඉරානය වෙත සහ ඉරානයේ සිට ක්‍රියාත්මක වන ගුවන් ගමන් කිහිපයක් තාවකාලිකව අත්හිටුවීම ජුනි 30 වැනිදා දක්වා දීර්ඝ කර ඇති බව එම ගුවන් සමාගම නිකුත් කළ නිවේදනයක සඳහන් වෙනවා.

අදාළ නිවේදනයේ දක්වා ඇති කාලසටහනට අනුව, මාර්තු 01 වැනිදා සිට ජුනි 30 වැනිදා දක්වා කටාර් අගනුවර සහ ටෙහෙරානය අතර දිනකට එක් ගුවන් ගමන බැගින් ක්‍රියාත්මක වන බව සඳහන්.

එමෙන්ම, ඉරානය වෙත සහ ඉරානයේ සිට ක්‍රියාත්මක වන අනෙකුත් සියලුම කාටාර් එයාර්වේස් සේවාවන් මෙම දීර්ඝ කරන ලද කාලසීමාව පුරාම අත්හිටුවා පවතින බවයි එම නිවේදනයේ දැක්වෙන්නේ.