නැගෙනහිර ඉඩම් ආරක්ෂා කර ගැනීමට කමිටුවක් පත් කිරීමට සැලසුම්

නැගෙනහිර පළාතේ ඉඩම් ආරක්ෂා කර ගැනීම වෙනුවෙන් නියෝජ්‍ය පොලිස්පතිවරයාගේ ප්‍රධානත්වයෙන් විශේෂ කමිටුවක් පත් කරන බව ජනාධිපති අනුර කුමාර දිසානායක මහතා පවසයි.

ඔහු පවසන්නේ දේශපාලන බලය භාවිත කරමින් ඉඩම් අල්ලා ගැනීම හේතුවෙන් නැගෙනහිර පළාතේ ගැටලු රැසක් මතුව ඇති බවය.

අම්පාර දිස්ත්‍රික් ලේකම් කාර්යාලයේ පැවති සම්බන්ධීකරණ කමිටු රැස්වීමට එක්වෙමින් ජනාධිපති අනුර කුමාර දිසානායක මහතා මේ බව සඳහන් කළේය.

අධ්‍යාපන කාර්යාල සහ ප්‍රදේශීය ලේකම් කාර්යාල වැනි පරිපාලන ව්‍යූහයන් පිහිටූවීම දේශපාලන කාර්යයක් නොව පරිපාලන කාර්යයක් බව ද අම්පාර දිස්ත්‍රික්කයේ ගුරු පුරප්පාඩු සම්බන්ධයෙන් පවතින ගැටලු සම්බන්ධයෙන් අදහස් දැක්වමින් ජනාධිපති අනුර කුමාර දිසානායක මහතා වැඩිදුරටත් පැවසීය.